Saturday, April 27, 2024
AktualeLajme

Kujtohet Beteja e Çabratit 1999

Epopeja  maj e cabratitBeteja e Çabratit e zhvilluar me 7, 8 dhe 9 maj 1999 është e rëndësishme dhe e veçantë për faktin  se misioni I luftëtarëve të lirisë ishte mbrojtja e mijëra civilëve në qytetin e Gjakovës, është shprehur me këtë rast kryetari i Aleancës për Ardhmërinë e Kosovës, dhe ish komandanti I Zonës Operative të Dukagjinit të UCK-së, Ramush Haradinaj.

Ai ka shpalosur kujtimet e tij gjatë atyre ditëve kur u formua Brigada 137 Gjakova, dhe hyrja e pjesëtarëve të kësaj strukture ushtarake të UÇK-së në qytetin e Gjakovës.

Ramush haradinaj“ Ishte periudhë e rëndë , gjithë andej luftime e masakra, djemtë e Gjakovës të cilët ishin kudo në beteja vendosën që të hynë në qytetin e Gjakovës, për të mbrojtur popullatën civile, ka rikujtuar  Majin e 1999-tes Ramush Hardinaj.

“ Në momentin e vendosjes së djemve të Gjakovës që të hynë në qytet, ishte moment i rëndë , mirëpo pas konsultave të shumta dhe pas informatave që kishim për vrasjet e qytetarëve civil nga forcat serbe u vendos që kjo brigadë të hynë dhe me krenari të zhvillon beteja për ndaljen e gjenocidit ndaj popullatës së pa mbrojtur”, është shprehur Haradinaj, ndërsa ka shtuar se tani liria ka zënë vend në Gjakovë e Kosovë, dhe bashkërisht duhet që ta kultivojmë këtë liri për pasur zhvillim më të fuqishëm ekonomik dhe perspektivë për qytetarët dhe vendin tonë.

Në Betejën e Çabratit kanë rënë  7 dëshmorë të lirisë dhe 41 civilë. Poashtu me 7 dhe 8 Maj janë rrëmbyer dhe zhdukur 43 qytetarë të lagjes Çabrat, ndërsa 77 të tjerë janë arrestuar dhe mbajtur nëpër burgjet serbe deri në vitin 2001.

Në kuadër të shënimit të këtij përvjetori jubilar në Pallatin e Kulturës Asim Vokshi e paraprakisht u bënë homazhe në varrezat e dëshmorëve dhe të martirëve në Kodrën e Cabratit.

Epopeja e cabratit 27 Maji është dita e dhembjes dhe krenarisë së madhe tha me këtë rast kryetarja e komunës Mimoza Kusari Lila.

“Dita kur djemt dhe vajzat e radhitura në UÇK, morën përsipër të dalin në mbrojtje të popullatës civile të Gjakovës, e cila çdo ditë e më shumë ishte e ekspozuar ndaj skenarëve të armikut. Është bërë tashmë e zakontë që Gjakova 7 Majin ta kujtojë si ditë të një beteje dhe ditë të një shprese për lirinë dhe për Gjakovën.
Kjo e sotmja, është një ditë e rëndësishme për të gjithë ne, veçanërisht për ju pjesëtarë të brigadës 137 Gjakova të cilët u angazhuat, sakrifikuat dhe dhatë më të fuqishmen për Gjakovën tuaj, për Kosovën e lirë.
Ardhja e juaj në qytet me datën 29 Mars të vitit 1999, ishte forca më e madhe që i dhatë banorëve të rrezikuar, njerëzve të pambrojtur dhe civilëve që dëboheshin nga shtëpitë e tyre, tha kryetarja e komunës Mimoza Kusari Lila.

Sipas kryetares , hyrja e Brigadës 137 Gjakova e UCK-së në qytetin e Gjakovës përbënte një histori të vet luftës, vendosmëria e djemve dhe vajzave të kësaj brigade krijonte një përparësi ushtarake duke u bërë edhe brigada e parë që ndërhynë në brendi të një qyteti në Kosovë.
Në 12 orët e luftimeve të ashpra, nga Gjakova për herë të parë ndjehej zëri I fitores dhe disfata e një lufte të egër nga radhët e armikut.

“”Gjithë do dëshironim që në mesin e këtyre ushtarakëve, djemve dhe vajzave të lirisë, të radhitur fizikisht të kemi edhe Ahmet Gjikollin, Bujar Rokën, Tom Gjokën, Kushtrim Hoxhën, Dashmir Krasniqin, Visar Junikun, Ali Hoxhën, Yllka Domin, Agim Haxhiavdylin, Hazyr Këpuskën, Islom Kocin, Ilir Berishën, Megzon Boshnjakun, Taulant Nurën, Sefidin Xërxën, Bahri Kryeziun, Ylber Hoxhën, Hamëz Zymberi dhe shumë trima të tjerë që ranë për Kosovën, por sot më shumë se kurr për betejen e Çabratit fletë vepra dhe ideali i tyre, “tha e para e komunes Kusari Lila në akademinë përkujtuese të 15 vjetorit të Epopesë së Çabratit.

Në akademinë e sotme folën edhe komandantët e Brigadës gjakovare, Agron Kryeziu dhe Avdulla Babalija  të cilët theksuan trimërinë e djemve e vajzave që me armë në dorë u dolën në mbrojtje qytetarëve të Gjakovës që po përjetonin gjenocid nga paramilitarët, kriminelët policia dhe ushtria  serbe mbi popullatën e pafajshme.

Në emër të familjarëve të dëshmorëve foli e motra e dëshmorit Ahmet Gjikolli, Errita .