Wednesday, June 5, 2024
AktualeLajme

Mbahet Panairi i kosovar gjedhit Gjakova 2014

Panairi Dukagjin dedaDukagjin Deda I komunës së Pejës është fermeri fitues  në Panairin e sotëm të gjedhit që u mbajt për herë të 14-të  në Qendrën e Agrobiznesit në Korenicë,  ku gjedhet e veta produktive të mishit dhe qumështit I ekspozuan rreth 60 fermerë kosovar.

Fermeri I gjedhit kampion, Deda ka theksuar se në fermën  e tij ka rreth 50  lopë qumështore dhe është I kënaqur me sasinë e qumështit që merr nga to. Ndërkaq për lopën kampione të racës Red-hollshtajn tha se ka cilësi të larta për qumësht dhe mish.

Në hapje të këtij Panairi që tradicionalisht  e organizon  Drejtoria e Bujqësisë në Gjakovë dhe Ministra e Bujqësisë ,  folën Mimoza Kusari Lila kryetarja e Gjakovës dhe Blerand Stavileci ministër I Bujqësisë. Ata inkurajuan fermerët blegtorë që të angazhohen për prodhimtari më të lartë të qumështit dhe mishit, ndërkohë që komuna dhe Qeveria e Kosovës do të subvencionojnë edhe në të ardhmen.

Ministri Stavileci theksoi arritjet e shumta në sektorin e bujqësisë e në veçanti në blegtori. Ai ka kujtuar subvencionet që Qeveria e Kosovës jep për çdo krerë lope, ndërsa risi e këtij viti do të jetë edhe nxitja  për subvencionim të cilësisë së qumështit.

“ Është kënaqësi kur në çdo kënd të Kosovës po zhvillohen ngjarje të rëndësishme për fermerët dhe ku në të këtilla ngjarje po mblidhen bashkë fermerët e sektorëve të ndryshëm dhe po prezantojnë arritjet. Edhe Panairi I gjedhit po dëshmon për sukseset e blegtorëve kosovarë”, tha Stavileci duke I njohur fermerët gjakovarë se në marrëveshje me komunën e Gjakovës, nuk do të lënë fermerë pa subvencion.

Në anën tjetër Kusari Lila e ka vlerësuar lartë manifestimin dy ditor “Ditët e agrobiznesit” për faktin se ka grumbulluar fermerë nga të gjitha trevat e Kosovës, ndërsa, pasi ka thënë se pa një agrobiznes të zhvilluar nuk ka zhvillim  ekonomik ka premtuar mbështetjen e blegtorëve  dhe përgjithësisht të fermerëve  me subvencione të ndryshme.

“Ditët e agrobiznesit kanë një rëndësi të madhe, ndaj viteve të ardhshme do ti zgjerojmë nga dy në katër ditë dhe do t’ju ofrojmë fermerëve forma të ndryshme të mbështetjes, ” tha Kusari lila.

Profesori I Fakultetit të Bujqësisë të Universitetit të Prishtinës ,  Hajrip  Mehmeti i cili ishte kryetar i komisionit vlerësues, si  eksperti i blegtorisë,  vlerësojë racat e prezantuara të gjedheve në Panairin e Gjakovës, ndërsa tërhoqi vërejtjen për kujdesin që duhet kushtuar ruajtjes dhe kultivimit të racës vendore Busha e kuqe, që ka cilësi të veçanta por,  e cila fatkeqësisht është në rrezik të zhdukjes. Sipas tij aktualisht në Kosovë ka vetëm 5 mije krerë.