Mimoza 43,43% dhe Pali 35,80% në balotazh

Ka përfunduar numërimi i votave  nga 134 vendvotime sa ishin gjithsejtë në komunën e Gjakovës dhe asnjëri nga kandidatët për kryetar komune nuk ka arritur një votë mbi 50% të votuesve për të marrë drejtimin e komunës në katër vitet e ardhshme pa balotazh, prandaj do të masin forcat edhe me 1 dhjetor. Megjithëkëtë te dielën deri vone kane festuar te dy palët qe kane marre më së shumti vota.

Te drejt vote ne komunën e Gjakovës kishin 107.425 votues por votuan gjithsejtë 44.225 apo 42,23% . Numri i fletëvotimeve të pavlefshme ishte 1.141.

Mimoza Kusari-Lila e AKR-së , sipas KQZ-së (prezantimi online i votave te numëruara)  ka marrë 19.308  vota apo 43,43% , ndërsa Pal Lekaj i AAK-së ka marrë 15.918  vota apo 35,80% .

Gjithnjë sipas KQZ-së, pason kandidati I PDK_së, Hajdar Beqa me 5.436 vota apo 12,23% , Luan Gola I LDK-së me 2.978  apo 6,70% dhe Arberije Nagavci e Lëvizjes Vetëvendosje ka marrë 821 apo 1,85%.

Kandidatja e AKR-së, Mimoza Kusari Lila, pas mesnate ka mbajtur një konference për medie ku , sipas saj, votat e fituara garantojnë vetëm balotazh.

“Jemi të lumtur që kemi dalë partia e parë, që më në fund kemi arritur synimin të jemi prijës në Gjakovë. Jemi të bindur në një rezultat të thellë edhe në balotazh kundër kandidatit të AAK-së”, ka thënë Kusari-Lila.

“Sonte jeni të lirë me festu të qetë dhe me kulturë”, i është drejtuar ajo simpatizantëve të saj.

Si subjekt politik, në këto zgjedhje, sipas KQZ-së në 90 % të vendvotimeve  të numëruara,  më së shumti vota mori koalicioni  AAK-LDD me 24,22% apo 8.815 vota. Pason AKR me 22,93% apo 8.346 vota, PDK me 16,23%, LDK me 14,73%,  PSHDK me 10,02%. Lëvizja Vetëvendosje me 5,56%, Partia e Drejtësisë me 2,57%, PDKI me 1,81%, IRDK me 1,06%, Lëvizja për Bashkim me 0,51%, Bali Kombëtarë me 0,21%, PSD – Partia Socialdemokrate e Kosovës me 0,13% dhe GI Srpska me 8 votues dhe me 0,02% të votave.

Rezultatet përfundimtare do ti publikoi Komisioni Qendror Zgjedhor.