Friday, March 29, 2024
Sporti

Në Brazil, Zvicra ose Bjellorusia

hendboll 1
Në ditën e dytë të turneut ndërkombëtarë të kualifikimeve për botërorin Brazili 2015 në hendbollin për të rinj, U 21 që po zhvillohet në Gjakovë, Zvicra dhe Bjellorusia kanë shënuar fitore kështu që të dielën prej orës 14.00 në ndeshjen e fundit, njëra nga to do të “marrë biletën” për Brazil.
Në ndeshjen  e parë u përballen Mali Zi dhe Zvicra. Gjatë gjithë lojës, zviceranët ishin më të mirë. Pjesëloja e parë përfundoi me rezultat 18:14 në të mirë të helvetikëve, ndërsa ndeshja u mbyll me fitore 26:21.
Përfaqësuesja e hendbollistëve  të rinj të  Kosovës as në ndeshjen e dytë nuk arriti më shumë se një humbje me 12 gola ndryshim. Skuadra e Bjellorusisë me nje shtatgjatesi te lojtareve dhe portier shume cilesor, ishte më e mirë dhe shënoi fitore 35:23( 15:10). Vetëm 20 minutat e para treguan qëndresën e hendbollistëve kosovarë, atëherë kur diferenca zvogëlohej deri në 3 gola. Por, më pas kur I lëshoi fuqia, mysafirët shtonin avantazhin gjithnjë e më tepër. Nga radhët e Kosovës, më efikasi ishte Egzon Gjuka me 9 gola të shënuar e pas tij Endrit Abdullahu me 4 shënime. Ndërkaq në radhët e Bjellorusëve më efikaset ishin Vadim Gayduchenko dhe Hleb Harbuz me nga  6 shënime.
Dy skuadrat që nuk kanë shijuar fitoren, Mali Zi dhe Kosova nesër prej orës 16 do të përballen mes vete për të siguruar vendin e tretë në këtë turne kualifikues.(gjakovapress.info)