Thursday, March 28, 2024
AktualeLajme

Ofendimet e ministrit Jablanovic nxjerrin në protestë gjakovarët

protesta 1

Mijëra qytetarë të Gjakoves të shtunën rreth  orës 14.00 në qendër të qytetit me thirrjen e Lëvizjes Vetvendosje dega në Gjakovë janë mbledhë për të protestuar kundër ofendimeve të ministrit në Qeverinë e Kosovës, Aleksandër Jablanovic. Protesta ka përfunduar e qetë.

Gjatë protestës, pjesëmarrësit kanë kërkuar nga kryeministri Isa Mustafa që ta shkarkojë ministrin serb.

Protestës i janë bashkangjitur edhe përfaqësues të subjekteve tjera politike, në mesin e tyre edhe kryetarja e komunës Mimoza Kusari – Lila dhe deputetja Teuta Haxhiu.

Kryetarja Kusari – Lila, me këtë rast tha se deklarata e Jabllanovic-it përveç që ishte e rëndë për qytetarët e komunës së Gjakovës ishte edhe ironike, për faktin se edhe në tentimin e tij për të kërkuar falje ai fyu për së dyti të vrarët, të maskaruarit dhe të gjithë ata që kanë vuajtur nga pushtimi serb.

protestaE për papërgjegjësinë, siq u quajt të ministritJabllanovic, protestuesit kanë kërkuar që kryeministri Isa Mustafa ta largojë atë nga pozita e zëvendës kryministrit dhe ministrit.

Nysrete Kumnova nga Shoqata “Thirrjet e Nënave” tha se ulëset në qeverinë e Kosovës janë të lara me gjakun e dëshmorëve e martirëve të Kosovës, prandaj në to nuk guxojnë të ulen kriminelët si Jabllanovic dhe kolegët e tij nga “Lista serbe”. Kumnova dhe protestuesit tjerë gjatë tërë kohës kanë bërë thirrje kundër Jabllanovicit, ndërsa në duar kanë mbajtur pankartat “Fashizmi i Serbisë nuk kalon në Gjakovë”, “Jabllanovic jashtë” “Kriminelët nuk kanë vend në Gjakovë” e të tjera.

Mimoza Shala nga Vetëvendosje ka kërkuar përgjegjësi edhe nga institucionet e vendit. Sipas tyre janë pikërisht partitë politike kosovare që me insistimin e tyre kanë siguruar vendet e rezervuara për listën serbe, Jabllanovicin dhe kolegët e tij.