Thursday, March 28, 2024
Lajme

Në Gjakovë gjatë 24 orëve më shumë të shëruar se sa të infektuar!

Derisa të hënën kishte vetëm 3 raste të konfirmuaa me Covid 19 nga Gjakova, sot ky numër është ngritur në 42,  prej tyre 30 në qytet, 5 raste në Rogovë, nga  2 raste në Batushë dhe Skivjan dhe nga një rast në Jahoc, Osekhylë, Smolicë.

Nga muaji mars e deri me sot në komunën e Gjakovës,  me virusin korona,  janë infektuar 1 mijë e 141 pacientë. Pozitive në raportin e fundit është fakti se gjatë 24 orëve të shkuara janë shëruar 55 të infektuar.  Deri me sot janë shëruar 649 pacientë kurse kanë vdekur 53 persona. Numri i  rasteve aktive   në Gjakovë është   443. Kjo shifër e sjell Gjakovën në vendin e katërtë në nivel vendi për nga numri i rasteve aktive.

Në Raportin e sotëm  24 orësh të  Spitalit Isa Grezda  të Gjakovës,thuhet se 58 pacientë të hospitalizuar janë duke u trajtuar për Covid. Prej tyre 30 pacientë janë të konfirmuar Covid-19 Pozitiv, 4 pacientë të konfirmuar janë negative, 11 pacientë presin rezultatet ndërsa 13 pacientë pritet të testohet. Gjendje më e vështirë tregohet për  30 pacientë të cilët janë  me oksigjeno terapi, 6   pacientë në CPAP maskë dhe 1 pacientë të intubuar.

Leave a Reply

Your email address will not be published. Required fields are marked *