Friday, April 5, 2024
LajmeLajmet e shpejta

Nga një Nëntori mundë të dënoheni për hedhje mbeturinash

berlloguGjakova një nga atributet me të cilat krenohej e kishte pastërtinë. Thoshim dikur Gjakova qyteti më i pastër në Kosovë. Po a e kemi të tillë sot? Duket se jo, për faktin se gjithandej shihen mbeturina, hedhen vend e pavend, bile edhe në lumenj përmidis qytetit.  Por mbeturinat janë pjesa që e shëmtojnë më së shumti qytetin tonë.  Më në fund Komuna e Gjakovës  përmes kamerave të vendosura në qytet ka filluar vëzhgimin e të gjithë personave që  ndotin ambientin duke hedhur mbeturina në vende të ndryshme, e që nuk janë të parapara për mbeturina.  Ndërsa  nga një nëntori, është  autorizuar Kompania “Çabrati” që përmes Task Forcës për kontrollimin e shërbimit të kompanisë të filloj shqiptimin e gjobave mandatare. Gjobat do të ekzekutohen menjëherë dhe shuma më e lartë e  e gjobës arrin deri në 100 euro për hedhje të mbeturinave në lumenj.

Komuna e Gjakovës, para dy viteve ka filluar përpjekjet  për mjedis të pastër duke themeluar një Task Forcë,  angazhimi I të cilës  është vlerësuar lartë. “Përkundër shtimit të orareve të pastrimit nga ana e kompanisë, pastrimit të

pikave të zeza, reagimit sipas raportimeve të qytetarëve, ende ka persona të cilët me ose pa vetëdije shkelin Ligjin për Mbeturina”, tha Kusari Lila .

Sipas saj, keqpërdorimet nga ana e qytetarëve janë nga më të ndryshmet si: përdorimi i shportave të vogla për mbeturina në hapësirat e qytetit për mbetjet familjare, hedhja e mbeturinave në brigjet e lumenjve, hedhja e mbeturinave familjare në hapësirat rekreative, si Shkugëz apo në parkun e qytetit e deri tek hedhja e mbetjeve shtazore në hapësira afër brigjeve të lumenjve, fushave të hapura si dhe hedhja e mbetjeve inerte në hapësira të rrugëve magjistrale, brigjeve të lumenjve e tjera.

Ndërkohë, komuna ju ka bërë thirrje qytetarëve që të ndihmojnë në luftimin e kësaj dukurie, duke raportuar këto raste.