Orkestra frymore e Shkodres kënaq adhuruesit e muzikës në Gjakovë

Parku kulturor  Ali Podrimja të enjten në mbrëmje ka jehuar nga ritmet muzikore të Orkestres Frymore të Shkodres të cilët sollën aromë Shkodre në qytetin e binjakëzuar.  Këngë të bukura shqipe e vepra të njohura të kompozitorëve të njohur, kanë marrë duartrokitje nga publiku që kishin mbushur sheshin skaj shetitores së lumit Krena, ndërkaq të dy kryetarët, Ardian Gjini i Gjakovës dhe Bardh Spahija i Shkodres(me origjinë nga Gjakova) edhe një herë treguan për lidhjen  shpirtërore mijëra vjeçare në mes te Gjakovës dhe Shkodrës, e cila  tashmë po merr formë edhe zyrtare e administrative. Pas vendimeve te Kuvendit Komunal të Gjakovës dhe Këshillit Bashkiak të Shkodrës për binjakëzimin e këtyre dy qyteteve, dy kryetarët  thanë se në të ardhmen “Shkëmbimet kulturore, janë ura më e mirë dhe e fortë që afron këto dy “qytete motra”. Koncerti i Orkestrës Frymore të Shkodrës është eventi që i parapriu afrimit edhe të metejshëm të dy qyteteve, në një bashkëpunim të ngushtë në kulturë, turizëm e më tej.

Faleminderit Shkodra për këto momente të këndshme që i sollët publikut gjakovarë në këtë vapë vere!