Nga viti në vit po shënohet rënie e numri të lindjeve edhe në komunën e Gjakovës. Sipas të dhënave të Sektorit të Gjendjes Civile të Kuvendit të komunës së Gjakovës, gjatë gjashtë muajve të parë të këtij viti në komunën e Gjakovës kanë lindur 1 mijë e 131 foshnja, 15 më pak se në të njëjtën periudhë të vitit të kaluar. Gjatë kësaj periudhe raportuese ka pasur 123 raste kur prindërit i kanë regjistruar me vonesë fëmijët e tyre.
Vetëm në repartin e lindjeve të Spitalit të përgjithshëm Isa Grezda në gjashtë muajt e parë të këtij viti kanë lindur 809 foshnja. Prej tyre 418 djem dhe 391 vajza. Ndërkaq në Klinikën e Gjinekologjisë në Qendrës Klinike Universitare të Kosovës ku frekuentojnë nga e gjithë vendi, u lindën 4 mijë e 379 foshnje, 200 më shumë se sa në vitin e kaluar për të njëjtën periudhë kohore .
Edhe gjatë kësaj periudhe ka dominuar dëshira e prindërve për ti emëruar më të dashurit e tyre, vogëlushet me emra bashkëkohorë, por duke mos i harruar edhe emrat tradicional.