Tuesday, June 4, 2024
Gjakova PresssKulturë

Piktorët Rudi dhe Berisha hapin ekspozitë

ekspozita 1 Në ambientet e Pallatit të Kulturës “Asim Vokshi” në Gjakovë të marten  është hapur ekspozita e përbashkët e piktorit Naim Berisha dhe piktorit akademik, tashmë të ndjerë Ibrahim Rudi. Punimet e dy kolegëve që fati dhe zhvillimet e kohës i kishin ndarë për shumë vite më rradhë, u paraqitën sëbashku para artdashësve gjakovarë, duke prezantuar kështu jo vetëm punën e tyre individuale, por edhe miqësinë madhe të të dy piktorëve.  Këtë fakt e ka përmendur në hapje të ekspozitës edhe udhëheqësi  i sektorit të kulturës në Gjakovë Bardhyl Oseku.

Për ekspozitën ka folur edhe vet piktori Naim Berisha, i cili e ka vlerësuar lartë punën e kolegut të tij .”Ai ishte mjeshtër i vërtetë, ndërsa për punën time, tha Berisha se “ne nuk kemi bërë aq sa kanë bërë portretet e figurave të shquara që kontribuan për çështjen shqiptare”

ekspozitaNdërsa për të ndjerin Ibrahim Rudi ka kujtuar disa fjalë  edhe miku dhe kolegu i tij, piktori akademik Kujtim Shala, i cili për piktorin e  ndjerë ka thënë se e veçon guximi artistik i të shprehurit.

I ndjeri, piktori akademik Ibrahim Rudi, pos artit ka qenë i njohur edhe si një veprimtar i çështjes kombëtare, për çka edhe ka bërë disa vite burg në fund të viteve të 60-ta, ndërsa për shkak të presionit në vitin 1982 është detyruar të arratiset në Shqipëri. Në vitin 1999, bashkë me të birin Shpendin ishte inkuadruar në radhët e Ushtrisë Çlirimtare të Kosovës e pas luftës ishte kthyer për të jetuar në Gjakovë, derisa kishte ndërruar jetë në vitin 2005. Ndryshe pikturat e piktorit akademik Rudi kryesisht janë punime të pejsazheve dhe moment nga ngjarje të ndryshme historike. Nga ana tjetër, piktori Berisha, në ekspozitë ka paraqitur disa portrete, kryesisht të figurave dhe personaliteteve që kanë dhënë kontribut për lirinë dhe pavarësinë e Kosovës.

Në emër të familjes së piktorit Ibrahim Rudi ka folur i biri  Dukagjini i cili ka falënderuar për këtë aktivitet.