Vetëm disa ditë pasi është shpallur zonë e lirë ekonomike, komuna e Gjakovës ka filluar t’i presë interesimet e para për investime, gjegjësisht hapje të linjave prodhuese. Sipas kryetares së komunës së Gjakovës Mimoza Kusari – Lila aktiviteti i parë prodhues mund të fillojë qysh në muajin prill dhe atë nga një kompani italiane e cila merret me prodhimin e vajit të lulediellit. Në fakt kjo kompani është e interesuar në mbjelljen e lulediellit e po ashtu edhe në prodhimin e vajit të lulediellit. Kompania italiane ka kërkuar tre hektarë pronë për ndërtimin e fabrikës për prodhimin e vajit, ndërsa bashkë me fermerët lokal ka kërkuar të mbjellë rreth 500 hektarë me luledielli.
Kusari – Lila ka thënë se kjo kompani do tu garantojë fermerëve farën dhe pesticidet por po ashtu do tu garantojë edhe çmimin e tregut për produktet e tyre. Nëse palët arrijnë të dakordohen në këtë rast, mbjellja e lulediellit mund të fillojë qysh në muajin prill, ndërsa puna për ndërtimin e fabrikës në muajin maj.
Edhe vite më parë kishte iniciativa për prodhimin e lulediellit dhe hapjen e reparteve prodhuese për prodhimin e lëndës djegëse që fitohet nga lule dielli, mirëpo fermerët gjakovarë nuk kishin parë llogaritë e veta për tu marrë me këtë kulturë industriale. Dikur Gjakova, falë punës së KBI “Ereniku” kishte qindra hektar me lule dielli.
A do ta shfrytezojne fermeret kete rastin me te ri, mbetet te presim.