Përfaqësues të të kompanive prodhuese italiane erdhën të premten në Gjakovë për të bashkëbiseduar me fermerët gjakovarë për mundësitë e mira që ata ofrojnë për prodhimin e lulediellit e me këtë për mundësinë e hapjes së fabrikës për prodhimin e vajit të lulediellit.
Në këtë takim komunitetit i fermerëve të Komunës së Gjakovës, është informuar hollësisht nga biznesmenët italian Brune Fereti dhe Tenepo Gost, pronarë të fabrikës për prodhimin e vajit ushqimor lidhur me projektimin e kultivimit të lule dellit në arat e komunës së Gjakovës.
Fermerët gjakovarë me saktë përfaqësuesit e bizneseve të kësaj komune janë njoftuar për mundësitë, lehtësirat dhe perspektivat që krijon biznesi prodhues italian kur ekziston bashkëpunimi I ndërsjellët. Biznesmenët Italian kanë prezantuar mundësit e bashkëpunimit me fermerët gjakovarë, duke ju garantuar prodhimin e tyre të lulediellit dhe mundësi të tjera lehtësuese.
Biznesmenët italianë kanë premtuar se 49 % të kapitalit të tyre në Itali do të tërheqin për investim në prodhimtarin e vajti për ushqim në Gjakovë.
Kryetarja e komunës Mimoza Kusari-Lila, tha se realizimi i këtij projekti bashkëpunues mes fermerëve gjakovarë dhe biznese italiane mundëson të mira për të dyja palët dhe do të ndikon në zhvillimin ekonomik të Gjakovës dhe Kosovës.
” Tani prodhuesve gjakovar me saktë fermerëve ju është ofruar një mundësi e mirë e bashkëpunimit dhe të prodhimit të lëndës së parë të vajti ushqimor. Dhe ky projekt do të mundëson që prodhimi I vajti ushqimor të ketë bazën, prodhuese nga Gjakova, dhe të tregojë traditën tonë për prodhimtari”, tha Kusari -Lila.
Fillimisht fermerët gjakovar janë shprehur të kënaqur me ofertat e biznesmenëve nga Italia për kultivimin e lulediellit.
Komuna e Gjakovës ditë më parë kishte njoftuar se një kompani italiane është e interesuar për mbjelljen e lulediellit e po ashtu edhe në prodhimin e vajit të lulediellit. Kompania italiane ka kërkuar tre hektarë pronë për ndërtimin e fabrikës për prodhimin e vajit, ndërsa bashkë me fermerët lokal ka kërkuar të mbjellë rreth 500 hektarë me luledielli.
Kusari – Lila kishte deklaruar se kjo kompani do tu garantojë fermerëve farën dhe pesticidet por po ashtu do tu garantojë edhe çmimin e tregut për produktet e tyre. Nëse palët arrijnë të dakordohen në këtë rast, mbjellja e lulediellit mund të fillojë qysh në muajin prill, ndërsa puna për ndërtimin e fabrikës në muajin maj.
