Edhe të enjten deri në mbrëmje kanë vazhduar reshjet e shiut herë-herë të shoqëruara edhe me erë të fuqishme që kanë shkaktuar probleme me vërshime të sipërfaqeve skaj brigjeve të lumenjve si dhe defekte në rrjetin energjetik.. Nga Drejtoria për Mbrojtje dhe Shpëtim në Gjakovë thonë se deri në mesditë nuk është raportuar për vërshime të përmasave më të mëdha porse këto reshje të mëdha kanë bërë që niveli i lumenjve të vie pothuajse në pikat kritike. Gjendje më e rënduar është në rrugën Ahmet Korenica te ish Jateksi dhe tek ura që qon drejt Shkugëzes. Fatbardhësisht gjatë 24 orëve të shkuara ka pas periudha të gjata të ndërprerjes së shiut, prandaj gjendja është treguar stabile, ndërkohë që reshjet e mëdha që kanë filluar nga mëngjesi i hershëm rrezikojnë me vërshime. Sipas Besim Meqes , udhëheqës i Departamentit të Emergjencave, në orët e mesditës në Qendrën emergjente janë raportuar raste që flasin për depërtim të ujit nëpër bodrume në Qendrën Kryesore të Mjekësisë Familjare, në shkollën e mesme Hysni Zajmi , tek Pallati Kulturës, tek Hib Petroli e në disa familje, ndërsa ekipet e zjarrfikësve kanë intervenuar. Këtu bëjnë me dije se qytetarët që kanë problem me vërshimet mundë të kërkojnë ndihmë në numrin emergjent 112.
Ndryshe Kuvendi Komunal ka bërë apel për bashkëqytetarwt për vigjilencë të shtuar. Në apelin e Komunës thuhet:
Të nderuar qytetarë,
Meqenëse gjatë këtyre ditëve kemi pasur reshje të theksuara atmosferike e situatë të njejtë pritet të kemi edhe ditëve në vazhdim, kërkojmë nga të gjithë qytetarët e komunës së Gjakovës që të jenë vigjilentë dhe të baashkëpunojnë me institucionet tona: me Emergjencat në Komunë, me Policinë e Zjarrëfikësit në mënyrë që për çfarëdo rasti eventual ekipet tona, të cilat janë në teren, të jenë sa më të informuara dhe të intervenojnë sa më shpejtë.
Kërkojmë nga qytetarët që të shohin paraprakisht nëse në ndonjë pjesë të komunës, sidomos buzë lumenjëve mund të ketë rrezikim nga ujrat apo vërshimet.
Sa më shpejtë që të informohemi, gjasat janë më të mira që të mbrojmë jetën, pronën dhe të sanojmë gjendjen.