Në ditën e parë të fushatës kandidati i AAK-së Pal Lekaj vizitoi Shoqatën e Veteranëve të UÇK-së. PDK-ja dhe kandidati i saj Hajdar Beqa u takuan me intelektual të qytetit, ndërsa LDK-ja dhe Luan Gola, me gazetarët lokal.
Dita e parë e fushatës u përmbyll te enjten ne mbremje nga Aleanca Kosova e Re dhe kandidatja Mimoza Kusari-Lila, të cilët me tubimin e madh në pallatin e kulturës “Asim Vokshi”, e filluan këtë muaj paraelektoral.
Duke folur për gjendjen aktuale në Gjakovë, Kusari – Lila ka thënë se Gjakova është qytet që e ka kapluar pluhuri. Por, sipas saj, Gjakova ka qenë dhe është ar dhe ari që e ka mbuluar pluhuri mbetet përsëri ar me vlerë të njejtë.
Mimoza Kusari – Lila është shprehur e bindur në fitore me 3 nëntor, fitore pas së cilës ajo ka premtuar se GJakova do të marrë pamje krejt tjetër në një periudhë të shkurtër kohore.
Ajo ka shtuar se pikësynimi kryesor i qeverisjes së saj do të jetë zhvillimi ekonomik, ngritja e shkallës së të punësuarve si dhe ngritja e cilësisë në arsim, kulturë e sport.
Sipas saj, ndryshimet pozitive në Gjakovë do të vijnë shumë më shpejtë se në secilin vend tjetër, pikërisht për shkak se Gjakova ka potenciale të mëdha e ende të pa shfrytëzuara, veçanërisht në resurse humane.
Në përkrahje të kandidaturës së Mimoza Kusari – Lilës ka dalur edhe kreu i AKR-së Behxhet Pacolli, i cili ka shprehur bindjen e tij se fitorja e Mimozës do të jetë bindëse dhe atë qysh në raundin e parë.
“Duke e parë gjithë këtë entuziazëm dhe këtë dëshirë të gjakvoarëve për ndryshim, jam i bindur se fitorja e Mimozës do të jetë qysh në raundin e parë dhe atë me 60 përqind të votave. Unë e kam pasur besimin e gjakovarëve që nga vitet e 70-ta, besim i cili ka vazhduar të më ipet edhe në politikë në 3 palë zgjedhje me rradhë. Asnjëherë nuk e kam tradhëtuar këtë besim dhe gjakovarët e dinë kët. Prandaj po ju premtoj se edhe në të ardhmen nuk do ta tradhëtoj besimin tuaj, por bashkarisht do të punojmë për ndryshimin pozitiv të Gjakovës”, ka përfunduar Pacolli.
Në këto zgjedhje në Gjakovë, marrin pjesë në garë 12 parti shqiptare dhe një iniciativë qytetare serbe, ndërsa vetëm 5 prej tyre kanë dalë edhe me kandidatin për kryetar komune.
Ne diten e pare te fushates ka reaguar Lëvizja VETËVENDOSJE! e cila zhurmen me fishekzjarre e ka kritikuar.Ne reagim pos tjerash thuhet bashkëpunimin me qytetarë kurr nuk e ka parë me zhurmën e festave dhe fishekzjarreve, por me programin dhe alternativen që është në funksion të qytetarëve të komunës së Gjakovës.
Mbrëmë partitë politike me fishekzjarre, postera gjigand kanë festuar ardhjen e dites së fushates duke e injoruar gjendjen në të cilën ndodhet komuna e Gjakovës, gjendje për të cilën mbajnë përgjegjësi të gjitha partitë që janë dhe kan qenë në pushtet në nivelin qendrore dhe atë lokal, thuhet ne reagimin e Levizjes Vetvendosje.
Edhe në ditën e dytë të fushatës zgjedhore subjektet politike të Gjakovës kanë paraparë një agjendë të ngjeshur të aktiviteteve me simpatizantët. Kështu, axhenda per diten e sotme e kryetarit te AAK-se ne Gjakove Pal lekaj eshte: Ora 12:00-Vizite ne UP te Gjakovës pjesa e Rektoratit, dhe Ora 16:00 -Perurimi i çerdhes se femijeve. Ndërkaq në orën 9.00 dega e Aleances Kosova e Re në Gjakovë organizon homazhe në qendër të qytetit tek simboli i luftës së UCK_së, pastaj në varrezat e dëshmorëve, në varrezat e martirëve në Meje dhe në Kodrën e Cabratit. Në orën 11:00 do ti bëhet një vizite shoqatës Hendikos ne Gjakove. Shtabi Zgjedhor i PDK-së ka njoftuar për aktivitet e ditës së sotme që nisin nga ora 11.00 në selinë e Shoqatës së veteranëve të UÇK-se , vazhdojnë në ora 12.00 në Shoqatën e pensionisteve .Takimi i parapare per sonte ne oren në orën 19.00 me elektoratin e PDK_së në Fshati Damjan dhe Marosh shtyhet per nje termin tjeter.
