Megjithë apelet për të mos krijuar panik, supermarketet dhe qendrat tregtare edhe në Gjakovë janë shumë më tepër të vizituara nga konsumatorët të cilët furnizohen kryesisht me ushqime bazike. Gjatë një vizite disa qendrave tregtare hetohet numër shumë më i madh se zakonisht i konsumatorëve por , se ka në sasi të mjaftueshme artikuj kryesor ushqimor.
Gjatë këtyre ditëve është raportuar se disa biznese kanë rritur çmimet. Për këtë arsye ministri i Financave Besnik Bislimi në një konferencë të jashtëzakonshme ka bërë publik një numër ku mund të drejtohen qytetarët për të njoftuar lidhur me keqpërdorimet. Bislimi ka kërkuar nga qytetarët të thërrasin ATK-në për të njoftuar për ndonjë keqpërdorim. “0800 80 800 mund të telefonojnë dhe ATK-ja dërgon ekipin në vendin e ngjarjes dhe do të pësojnë dënime të mëdha”, ka deklaruar sot ai. Ky njoftim nga Bislimi u bë pas një takimi që ka mbajtur sot me stafin e ATK-së, për të ndërmarr masat kundër keqpërdorimeve të bizneseve pas përhapjes së koronavirusit.