Nën drejtimin e Ajet Shoshollit,kryetrajner, të marten, 22 futbollist të Vellaznimit filluan pergatitjet per stinorin pranveror. Nismën e pregaditjeve për stinorin e ri pranveror në futboll të skuadrës së Vëllaznimit që mëton të rikthehet në superligën e Kosovës në futboll, e ka përshëndetur dhe inkurajuar edhe kryetarja e Komunës së Gjakovës, Mimoza Kusari Lila.
Në takim me futbollistë, stafin teknik dhe simpatizues, kryetarja e Komunës ka bërë të ditur se së shpejti do të zgjedhet kryesia e re e klubit, e cila do të dali pas zgjedhjeve të kuvendit të klubit. Përsa i përket Komunës, kryetarja Mimoza Kusari Lila ka pohuar se “politika duhet të jetë larg sportit dhe se problemet dhe borxhet e trashëguara do të paguhen nga Komuna pas transferit të buxhetit të Kosovës, ku një pjesë do të prgramohet ndërsa një pjesë tjetër do të paguhet.
Me këtë transferim buxhetor do të ndahet edhe buxheti për klubin dhe njiherit do të kërkojmë që klubi të mbështetet në saje të marrëveshjeve të pëlqyeshme edhe nga firma private”. Për kryerjen e obligimeve katërmujore të pagave për futbollistët, kryetarja e Komunës ka pohuar se do të shpaguhen dhe njiherit do të bëhen kontrata të rregullta me futbollistë. Kryetarja Mimoza Kusari Lila ka uruar futbollistët dhe adhuruesit e ekipit emblemë të qytetit, Vëllaznimi që të vazhdojë me suksese dhe të rikthehet në elitë.
