Friday, April 5, 2024
AktualeSporti

Vëllaznimi- Lepenci 3 : 0

vellaznimiFutbollistët e Vëllaznimit kanë vazhduar serinë e fitoreve drejt titullit të kampionit të Ligës së parë futbollistike të Kosovës dhe kthimit në Superligë. Të mërkuren, në stadiumin e qytetit në Gjakovë, në praninë e nja një mijë adhuruesve të futbollit, të cilët nuk i pengoi as shiu që binte vazhdimisht, arritën që ta mposhtin me lehtësi Lepencin e Kaçanikut më rezultat të thellë 3:0.  Vëllaznimi avancoi që në minutën e 8 me golin e bukur të Atdhe Gashit. Mysafirët patën mundësi që dy minuta më vonë  të barzojnë por nga penaltia u treguan të ngathtë- goditen vetëm shtyllën pingule. Pasuan edhe dy gola të Vëllaznimit, nga Mevlan Zeka në minutën e 14  dhe nga penaltia realizator ishte Valon Kasapi në minutën e 41. Vëllaznimi ka mundur të shënoi shumë herë por në momentet e duhura tregoheshin të pasaktë ose ishin intervenimet e suksesshme të portierit mysafir Burhan Palloshi.

Pas humbjes së Istogut në Podujevë me Llapin 4:0, tash diferenca e pikëve është rritur për 5, ndërkohë që kanë ngelë edhe tri ndeshje deri në fund të kampionatit. Këtë të shtune Vëllaznimi luan në Klinë me Dukagjinin, e prêt një javë më vonë në teren të vet Flamurtarin dhe udhëton në Suharekë për ta përmbyllur garën me Ballkanin./gjakovapress/