Me organizim të Shoqatës së intelektualëve “Jakova”, dhe në bashkëpunim me Qendrën shkencore-edukative “”Kosmosi dhe njeriu”, të premten mbrëma në Gjakovë u mbajt tryeza shkencore në temën “Vlerat kozmologjike dhe njerëzore”. Kjo tryezë, referues pati përfaqësues eminent fushash të ndryshme, ajo e shkencës, përkatësisht e mjekësisë dhe lëmi fetar. Më saktë, në ketë temë, para te pranishmeve , u angazhuan t’i zbërthejnë “Vlerat kozmologjike dhe njerëzore” nga këndvështrimet e tyre, prof. dr. Jahja Koka, dhe dr. Ali Iliazi, ndërsa në pamundësi që të vijë në Gjakovë, nga nenkryetarja e Qendres Shkencore, Sevdije Lama u lexua punimi shkencor i dr. Dom Lush Gjergjit.
Tryeza shkencore ka shërbyer për të nxitur edhe një herë përgjegjësit e arsimit për përfshirjen në Universitetin e Publik të Gjakovës drejtimet e fakultetit që ka të bënë me kozmologjinë, përkatësisht për Institutin teknologjik duke pasur parasysh ndërtimin e planetariumit në Gjakovë nën përkujdesjen e profesor doktor Jahja Kokës dhe kuadrot gjakovare profesionale të kësaj fushe. Kryetari i shoqatës së Intelektualve të Jakovës, Masar Rizvanolli, ka thënë se Planetariumi ka një rëndësi të madhe në njohjen e kozmosit nga afëre jo si deri me tash përmes imagjinatës. Rizvanolli funksionimin e palnateriumit e shef edhe si një shansë e zhvillimit të turizmit, sepse duke qenë i vetmi në Ballkan, do të thithte numër të madh turistësh.
