Komuna financon dy projekte teatrore në vlerë rreth 30 mijë euro

Bordi I drejtorëve të KK të Gjakovës  në mbledhjen e sotme,  ka aprovuar për subvencionim dy projekte teatrore të propozuara nga Drejtoria e Kulturës Rinisë dhe Sporteve. Projekti i parë teatror ka të bëj me përgatitjen e komedisë me titull “ Revolveri”, komedi-dramë në regjinë e Berbuqe Berishës, me aktoret e  Teatrit Profesionist të Gjakovës, në vlerë  për financim prej 14 mijë e 537 euro. Ndërsa projekti i dytët teatror që u aprovua nga bordi i drejtorëve ka të bëjë po ashtu me përgatitjen e komedisë ” Burri i gruas sime”, në regjinë e Fatmir Hysenit, me trupën e teatrit profesionist te  Gjakovës. Vlera për këtë projekt që do ta financon komuna është 14 mijë e 758 euro.

Sipas Drejtoritë të DKRS Anton Shala, në këto dy projekte do të përfshihen po thuaj se të gjithë trupa e teatrit të Gjakovës.

Në takimin e sotëm të Bordit të Drejtorëve, është diskutuar lidhur me përgatitjen e shënimit të 9 majit Ditës së Evropës. Ndërkohë është diskutuar edhe lidhur me mundësit e shtimit të të hyrave buxhetore. Ndërsa është caktuar edhe plani i veprimit për inspektimin e të gjitha hapësirave publike që shfrytëzohen nga ushtrimi i veprimtarive tregtare e hotelier, me mundësi që ata të cilët i shfrytëzojnë këto hapësira publike të identifikohen dhe të paguajnë taksen për shfrytëzim në Drejtorinë e Urbanizmit.(zyra per informim e KK )