Monday, March 25, 2024
AktualeLajme

Në KRU Radoniqi për projektin e trajtimit të ujërave të zeza

 

Radoniqi marrveshjaPas nënshkrimit të marrëveshjes për trajtimin e ujërave të zeza në Gjakovë në mes të  Udhëheqëses së bankës gjermane të  KfË  për Kosovë   Esether Gravenkotter dhe Kryeshefit Ekzekutiv të K.R.U.”Radoniqi”   Ismet Ahmeti, të hënën është mbajtur takimi  i radhës i zyrtarëve të  K.R.U.”Radoniqi”  si dhe zyrtarëve të SECO dhe KfË , menaxherit  të  programit të divizionit të financimit  të infrastrukturës brenda SECO,  Laurent Viedmer, zyrtares së programit kombëtar- zyra zvicerane e bashkëpunimit,  Ardiana  Efendia , si dhe zyrtarit  të  KfË, Premtim Islami,  ku u bisedua për dinamikën e realizimit të projektit. Siç bënë me dije zyra për informim e KRU Radoniqi, qëllimi i këtij takimi ka qenë përcjellja e progresit të arritur në projektin: Eliminimi i ujërave të zeza në Jug-perëndim të Kosovës, faza III- Gjakovë.

Në takimin e mbajtur janë diskutuar tri pika kryesore: Parakushtet e projektit para implementimit; projekti i përzgjedhjes së konsulencës , si dhe performanca e përgjithshme e Kompanisë;

Pas diskutimit të këtyre pikave,  Laurent  Viedmer  ka falënderuar  zyrtarët e K.R.U.”Radoniqi” për angazhimin maksimal në realizimin e projektit  si dhe ka inkurajuar të vazhdojnë me të njëjtin potencial deri në finalizimin e paraparë të projektit.

Kryeshefi  Egzekutiv , duke falënderuar të gjithë ata që kanë mbështetur dhe po vazhdojnë ta mbështesin këtë projekt, gjithashtu  ka potencuar se është i  gatshëm ti plotësoj në kohë të gjitha kërkesat  për realizimin  e projektit  të cilat i  përkasin K.R.U.”Radoniqi”.