Në fushatën përmbyllëse të AAK-së në Gjakovë, që u mbajt të enjten në Pallatin e Sporteve, kandidati i kësaj partie për kryetar të komunës, Pal Lekaj bëri thirrje të gjithë qytetarëve ta votojnë atë duke thënë se Gjakova i ka thënë po AAK-së dhe Ramush Haradinaj edhe kur ai nuk ka qenë këtu derisa tani i thotë bindeshem po, që të triumfoj sot në Gjakovë nesër në tërë Kosovën,
Kryetari i AAK-së, Ramush Haradinaj dhe kandidati për kryetar të kësaj Komune, Pal Lekaj, thanë se më 3 nëntor do ta fitojnë Gjakovën, kurse në vitin e ardhshëm edhe kryeministrinë e Kosovës. Haradinaj, e përgëzoi kandidatin Pal Lekaj për punën që e ka bërë në të kaluarën, duke thënë se gjatë gjithë këtyre viteve ka punuar çdo ditë me përkushtim dhe çdo ditë për komunën.
“Më 3 nëntor dikush mendon se ka oferta, nuk ka oferta, besoni të tjerat nuk janë oferta, unë i kam dëgjuar duke thënë se po sjellin oferta, nuk janë oferta, janë mashtrime, ata vet nuk besojnë në ato oferta të vetat të ashtuquajtura, ata vet nuk janë të vërtetë në ato që i thonë, ata mundohen me përdorë e me keqpërdorë çka do qoftë e me pengu të gjitha ato që janë arrit e mund në këtë trevë e te ne që jem shqiptarë qe mijëra vjet sepse kuptohet nuk e posedojnë të vërtetën. Gjakova e ka një ofertë, është e vërtetë, është serioze, e ka ofertën me vazhdua 4 vjet me ne, me Aleancë, me kryetarin Pal Lekaj, Gjakova e ka një ofertë nga vitit që vjen me vendos në Prishitnë, për Gjakovën në këtë ofertë jemi bashkë, më 3 nëntor të dielën letërnjoftimet me vete, nr. 62 edhe për kryetarin edhe për listën që i prin Valon Vula”, u shpreh Haradinaj, transmeton KosovaPress.
Kurse, vet kandidati i AAK-së për kryetar të Gjakovës, Pal Lekaj, tha se fokusi i AAK-së do të jenë në zhvillimine ekonomisë së vogël e të mesme dhe ekonomisë familjare. Ai shtoi se qytetarët e Gjakovës edhe këtë vit do t’i thonë po AAK-së dhe Ramush Haradinajt.
“Gjakova i ka thënë po zotit Haradinaj, i ka thënë po në ditët më të vështira, i ka thënë po edhe atëherë kur na ka munguar padrejtësisht por tani i them liderit tonë që Gjakova do t’i thotë fuqishëm po, ajo që unë dua të iu them, ne do të vazhdojmë edhe 4 vite, jo për inate të individëve të caktuar, jo për ndarje, por për një familje të madhe që quhet Gjakovë dhe unë përkulem para gjithë atyre që kanë ditë të na mbështesin por edhe atyre që kanë menduar ndryshe sepse vetëm kështu do ti ndihmojmë vendit”, u shpreh ai.
Para simpatizantve folen edhe Ardian Gjini, Akad. Nexhat Daci dhe Blerim Shala nderkaq u prezantuan edhe kandidatet e AAK-së per Asamblenë Komunale.