Bora parë

Një shtresë e hollë e borës nëpër pullaze mundë të llogaritet si borë e parë e këtij dimri. Gjatë 24 orëve të shkuara mbi territorin e komunës së Gjakovës ka pasur riga shiu dhe bore  që në mëngjesin e sotëm janë shndërruar në ngrica. Anipse gjatë dites ka mbreteruar mot me diell, mëngjesi i sotëm konsiderohet të jetë ndër më të ftohtit me minus 8 gradë celciuz, ndërsa shtresa e parë bores ka paralajmëruar ditët me reshje bore që do të vijnë që nga dita e nesërme. Një pjesë e rrugëve janë të ngrira dhe shoferët këshillohen për ngasje të kujdesshme.

Sipas Institutit Hidrometeorogjik të Kosovës, fushat me presion të ulët të cilat kanë përfshirë Ballkanin, do të jenë të qëndrueshme gjatë gjithë ditës së diele. Në këto kushte do të mbajë mot i vranët dhe me reshje të borës të cilat fillimisht do ta përfshijnë jugun e vendit dhe më pas gjithë Kosovën e më gjerë.

Temperatura më e ulët do të lëvizë në mes -8 deri -10 gradë celsius, kurse maksimalet e ditës do të lëvizin në mes -4C e deri -1C. Do të fryjë erë nga jugu në pjesën e parë të ditës, kurse pasdite era do ta ndërrojë kahun në drejtim të veriut, shpejtësia e së cilës do të arrijë deri 9m/s.

Pas këtyre reshjeve të borës të cilat pritet ta përfshijnë vendin ditën e diele, të hënën dhe të martën nëpër disa vende temperaturat minimale pritet të ulen dukshëm, nga -16C deri -18C celsius ditën e enjte dhe të premte. Kurse, maksimalet e ditës do të lëvizin në mes -4C deri -1C.

Në bazë të parashikimeve numerike dhe sinoptike të cilat IHMK i përcjell vazhdimisht, muaji janar do të karakterizohet me temperatura të ulëta të cilat do t’i ngjasojnë një dimri klasik.