Friday, March 29, 2024
Lajme

Brovina dhe Molliqi kyçen në rrjetin e ujësjellësit

Projekti i furnizimit me ujë të pijes për fshatrat e Rekës së Keqe po jetësohet. Të enjten  Kompania Rajonale e Ujësjellësit “Gjakova” sh.a, bëri me dije se,  ju shtuan dhe dy fshatra me furnizim me ujë të pijes.

“Bëhet fjalë për fshatrat Brovinë dhe Molliq, të cilat i bashkohen projektit madhështorë ku për herë të parë sjellim ujin e pijes tek Banorët e Rekës së Keqe dhe Lugut të Çarragojes. Afërsisht 20 mijë banorë të Rekës së Keqe tashmë janë kyçur në rrjetin tonë të ujësjellësit duke u furnizuar 24/7 me nivelin më të lartë cilësorë të ujit që rrjedh nga Bjeshkët e Babaj të Bokës.”, thuhet në njohtimin e KRU Gjakova

Kompania e ujësjellësit dhe kryeshefi Ekzekutiv  Ismet Ahmeti, ka falenderuar të gjithë banorët e kësaj zone për bashkëpunimin e treguar gjatë kësaj kohe.

“Kjo nuk është e tëra nga KRU “Gjakova”, projektet madhore dhe furnizimi i banorëve me ujë të pijes janë prioritet kryesorë i kompanisë në përmbushjen e rolit prodhues duke rritur ç’do ditë e më shumë fushë veprimtarinë në furnizim me ujë të pijes”, mbyllet njoftimi zyrtar I KRU Gjakova.

Leave a Reply

Your email address will not be published. Required fields are marked *