“Darka” e Suela Bakos filmi më i mirë në Gjakova film festival 14

Pas tri ditë të shfaqjes së rreth 25 filmave të metrazhit të shkurtër, ne Gjakovë dhe Rugovë tè Hasit, të dielën në mbrëmje janë shpallur edhe fituesit.

Filmi I Suela Bakos me titull “Darka” mori çmimin kryesor të Festivalit, ndërsa rexhisorja dhe skenaristja  fituese është shprehur e lumtur për këtë çmim të rëndësishëm në karrieren e saj. Aktorja e re Erijeta Cufaj ka marrë çmimin për rolin më të mirë episodik të luajtur pikërisht në filmin “Darka” ku interpretojne edhe Romir Zalla, Mehmet Xhehlili, Eri Shuka, Ermonela Alikaj, Kaltrin Zalla e tj.  Permbajtja e shkurter filmit fitues është : Diana , jeton me motrën e saj dhe babain. E ëma i ka lënë jetime. Një mbrëmje , babai fton për darkë në shtëpi vëllain e tij me të shoqen dhe një grua të re…

Organizatori ka vlerësuar me çmimet për aktorin dhe aktoren më të mirë në festivalin e sivjetmë. Fituesit janë Donika Ahmetaj për rolin në filmin “Unaza” dhe Kastriot Çaushi. Skenarin më të mirë e kishte bërë Altin Karai ndërsa regjisori Bartosz Kruhlik nga Polonia bëri regjinë më të mirë.

U ndanë edhe shumë çmime tjera mes të cilave edhe çmimi i jurisë për Shpresim  Shalën  për filmin “Unaza”,pastaj  çmimi për kamerë Dritan Mesaresë, për montazh Spiro Slemes,  “Nderi I festivalit” që I takoi aktorit Sulejman Lokaj e çmime tjera.

Ndarjen e çmimeve të Gjakova film festival , në shkollën e  muzikës Prenk Jakova e bënë  emra të shquar të skenës shqiptare, mes të cilëve Tinka Kurti, Rajmonda Bulku, Mevlan Shanaj e tj.

Në hapje të ceremonisë u shfaqën edhe disa filma të shkurtër dokumentar nga Arkivi Qendror Shqiptar mes të cilëve edhe ai për vizitën e grupit artistik nga Shqipëria në qytetin e Gjakovës. Elvira Diamanti, drejtoreshë e këtij arkivi vlerësoi lartë manifestimet e këtilla ndërsa ka kërkuar që bashkëpunimi ndërshtetëror që tash po zhvillohet mes dy ministrive dhe mes dy vendeve të shtohet vazhdimisht.

Për tri netë në ekranin e kinemasë së Gjakovës, janë shfaqur rreth 25 filma vendor e ndërkombëtar. Në këtë edicion kanë dominuar tema dashurie të shtruara në formate dhe rrjedhshmëri konceptuale, ideore, gjetjet dhe çasje të thjeshtësuara dhe mbarështruara, aktrim, regjisurë, mbase ka dominuar industria dhe aroma kinematografike.

Mevlan Shanaj – Regjisor,
Naser Shatrolli – Skenarist, Kritik,
Raimonda Bulku – Aktore,
Iliriana Arifi – regjisore,
Georgi Merdzhanov nga Bullgaria – Skenarist.Çmimet