Dega e LDK-se në Gjakovë, që drejtohet nga Fetah Bakija dhe nuk pranohet nga Kryesia Qendrore e kësaj partie në Prishtinë, përmes një komunikate për medie njofton për aktivitete të zhvilluara në kuadër të përgatitjeve për zgjedhjet lokale, që do të mbahen gjatë vjeshtës që vjen. Sipas njoftimit, më 6 maj është mbajtur një takim me kryetarët e nëndegëve dhe me aktivistë të LDK-së.
Në këtë takim u bisedua për situatën aktuale dhe përgatitjet rreth organizimit të këtij subjekti për zgjedhjet lokale. Dega e LDK-se doli me konstatimin se në zgjedhjet e ardhshme komunale do të dalë me kandidatë të dëshmuar politikisht, profesionalisht dhe kombëtarisht.
Gjithashtu, sipas njoftimit, Dega e LDK-së në Gjakovë është duke shqyrtuar dhe analizuar me kujdes edhe kërkesat dhe ofertat rreth mundësive të koalicioneve partiake për zgjedhjet e ardhshme komunale dhe për kryetar të komunës.(kohanet)