Friday, March 29, 2024
Lajme

Dredhëzat e Gjakovës

Fermerët gjakovar  tashmë janë në vlug të vjeljes së dredhëzës në rreth gjashtë  hektarë plantacione,  ndërkohë që rendimentet e saj sipas vlerësimeve të para janë të mira. Kultivuesit e kësaj kulture sezonale dhe mjaftë të kërkuar, viteve të fundit në saje të mbështetjes me fidanë dhe këshilla profesionale nga organizata ndërkombëtare e vendore si dhe me investimet vetanake, kanë arritur që të zgjerojnë sipërfaqet e mbjella me dredhëza.

Zyrtarë të drejtorisë komunale të Bujqësisë thonë se përvoja e disa fermerëve që merren me kultivimin dhe prodhimin e dredhëzave në sipërfaqe më të mëdha ka bërë që interesimi nga viti në vit të shtohet. Fermerët e shohin llogarinë e vet financiare në kultivimin e dredhëzës. Aktualisht në komunën e Gjakovës ka rreth 6  hektarë të mbjella me dredhëza, anipse kjo siperfaqe ndryshon nga vitit në vit në favor të rritjes së siperfaqeve të reja me dredhëz.

Siç bëhet e ditur, pothuajse i gjithë prodhimi i dredhëzës i dedikohet tregut vendor. Në anën tjetër dalja në treg e dredhëzave vendore ka ulë çmimin e lartë të dredhëzave nga importi.

Të bukura për ti parë, të shkëlqyera për ti ngrënë dhe të mira për shëndetin e bukurinë: dredheëzat konsiderohen si ëmbëlsia më e lumtur e pranverës.

Leave a Reply

Your email address will not be published. Required fields are marked *