E habitshme, mbushet rrjeti i kanalizimit me mbeturina inerte!

Hedhja e mbeturinave në rrjetin e kanalizimit po shkakton telashe të mëdha. Ekipet e KRU “Gjakova” gjatë aktivitetit në pastrimin e pusetave në lagjen “Blloku i Ri” dje kanë hasur në dëmtime që po i shkakton rrjetit të kanalizimit faktori njeri . “Hedhja e mbeturinave inerte në rrjet, në të shumtën e rasteve bën bllokimin e kanalizimit duke paraqitur probleme të shumta për kthimin e rrjetit në gjendje normale, gjegjësisht debllokimin e kanalizimit”, thonë në këtë kompani prandaj  vazhdojnë të apelojë që të keni kujdes se çka hidhni në kanalizim!

Ekipet e  mirëmbajtjes gjatë gjithë kohës janë në teren dhe janë duke bërë të pamundurën që ta mbajnë rrjetin e kanalizimit në gjendje funksionale, thonë në KRU Gjakova.