Gjakova film festival ’13 me 21 mars

Festivali I dytë me radhë i filmit të shkurtër “ Gjakova film festival 2013, këtë herë  organizohet nga 21 deri më  24 mars 2013 ku do të shfaqen  28 filma,  prej tyre 23 të huaj, si nga Japonia, Australia, Palestina, Argjentina , Irani, Bullgaria dhe nga shtete të tjera evropiane. Kështu ka bërë të ditur drejtori i këtij festivali Valdet Avdiu  Ai ka thënë së antarë jurie do të jenë  personalitete të  kulturës botërore ndërkohë që do të  ketë edhe mysafirë të nderuar nga bota , kineastë, regjisorë, skenaristë dhe shumë personalitete të artit nga bota shqiptare. Ashtu sikurse vitin e kaluar  Gjakova film festiva 2013 mbahet me  përkrahjen e Ministrisë së Kulturës dhe Drejtorisë komunale për kulturë. Evinementi organizohet nën përkujdesjen e kryetarit të komunës Pal Lekaj.