Me rënien e numrit të rasteve të reja me Covid, ka rënë dukshëm edhe ritmi i procesit të vaksinimit. Brenda një jave në komunën e Gjakovës, përkatësisht në Qendrën Kryesore të Mjekësisë familjare janë vaksinuar vetëm 92 qytetarë. Në fakt, nga fillimi i këtij procesi e deri me sot në komunën tonë janë administruar 106 mijë e 867 qytetarë. Me dozën e parë janë vaksinuar 51 mijë e 667 persona, me dy doza 47 mijë e 615 ndërsa me të tria dozat janë 7 mijë e 585 bashkëqytetarë.
Rënie ka pësuar edhe interesimi për testet rapide. Deri me sot në QKMF janë bërë 13 mijë e 598 teste të tilla prej nga kanë dalë pozitiv me Covid 14.5 % e të testuarve.