Gjakova me tri raste pozitive me koronavirus

Pas identifikimit ditë më parë të një cifti bashkëshortor,  Komuna e Gjakovës ka regjistruar personin e tretë me koronavirus, ka bërë të ditur Instituti Kombëtarë i Shëndetit Publik të Kosovës. Kështu numri i rasteve ne koronavirues në Kosovë ka shkuar në 24. Instituti Kombëtarë i Shëndetit Publik ka njoftuar se dy rastet  pozitive janë raste kontakti. Ndryshe  gjatë ditës së djeshme në Laboratorin e Mikrobiologjisë Molekulare në IKSHPK,  janë testuar 77 mostra të dyshimta për virusin SARS-CoV-2. Ndërkaq deri më tash janë  testuar gjithsej 417 mostra të dyshimta.

Bëhet e ditur se qytetari I Gjakovës është infermier në Spitalin e Gjakovës. Kjo është konfirmuar edhe nga drejtori i spitalit Hilmi Shala i cili  për Radio Gjakovën ka fol për gjendjen 24 orëshe në spitalin e Gjakovës.

“ Ka qenë një natë e zakonshme në shërbim të pacientëve në të gjithë sektorët. Kemi pasur rastin e infektimit me koronovirus të një infermieri që ka punuar në Emergjncë, por që konsiderohet se jashtë spitalit është infektuar nga kontakti me personat më parë të identifikuar me këtë virus nga komuna e Gjakovës. Kemi dezinfektuar repartin dhe një pjesë e mantelbardhëve që kanë punuar në një ndërrim me të infektuarin, janë vetizoluar ”, ka thënë Shala.

Shala ka tërhequr vërejtjen për respektimin strikt të masave mbrojtëse , aq më tepër kur dy javët në vijim janë shumë të rëndësishme për luftën kundër korona virusit.