Për veprën dhe jetën e patriotit të shquar të Malësisë së Gjakovës, Jah Salihut, të premten u fol në tryezën e organizuar nga komuna e Gjakovës e cila u drejtua nga akdemik Pajazit Nushi dhe kanë referuar veteran LANÇ -së nga Shqipëria dhe Kosova dhe akademikë të Akademisë së Shkencave dhe Arteve të Kosovës.
Fillimisht për veprën dhe jetën e Jah Salihut ka folur kryetarja e Komunës së Gjakovës Mimoza Kusari-Lila , e cila në fjalën e saj ka thënë se “Sot, në këtë përvjetor po e kujtojmë njërin ndër ato figura që historinë e kanë shkruar me gjakun e tyre çlirimtar, jo vetëm në logun e betejës ku ka rënë Jah Salihu, por edhe në përpjekjet e vazhdueshme dhe asnjëherë të tërhequr për ideal kombëtar.
Duke saktësuar se “ Sot, shtatëdhjetë vite më pas njëjtë sikurse atëherë kujtojmë figurën e Jah Salihut, por natyrisht më ndryshe se më parë, sepse tani kemi mundësinë që bashkarisht të nderojmë figurat e shquara që nuk kursyen as materien, as jetërat për qëllimin e vetëm që ka qenë dhe është peng i shumë breznive nga dera e patriotëve të shquar të Malësisë së Gjakovës”, ka përfunduar me fjalen e saj kryetarja Mimoza Kusari Lila. Për veprën dhe jetën e Jah Salihut, ka folur edhe Gjenerali I LANÇ Rrahman Parllaku, I cili gjër e gjatë ka shpalosur një histori të shkurtër të këtij trimi të Malësisë së Gjakovës.
“Kur Jaha pas shumë aktiviteteve në tër territorin e Shqipërisë u kthye në Malësi gjeti një klimë më të përshtatshme për luftë të armatosur kundër okupatorit. Nga tetori i vitit 1943 e deri në vdekje, Jah Salihu është i palodhshëm në angazhimet e tij rreth krijimit të njësive për luftë kundër pushtuesëve gjerman, të cilët e zunë vendin e forcave italiane. Ai u shqua me aftësitë e tij prej organizatori dhe luftëtari të paepur për çlirimin e vendit. Jah Salihu dhe bashkëluftëtarët e tij u flijuan në mbrojtje të atdheut dhe të idealeve të Rezolutës të Konferencës së Bujanit si vizion për të ardhmen e çështjes shqiptare”, është shprehur Rrahman Parllaku.
Për trimërinë dhe figurën historike të Jah Salihut ka referuar edhe akademik Pajazit Nushi, I cili ka thanë se burrat trima si Jah Salihu, nuk e pyesin jetën për liri dhe vdesin për idealin e tyre lirin e popullit dhe mëvetësinë e vendit të tyre. Kumtesat e tyre I kanë prezantuar në kët tryezë edhe Zija Mulhagja, Vehap Shita dhe të tjerë. Në këtë tryezë ishin edhe familjar të familjes së Jah Salihut
