Komuna e Gjakovës dhe KFOR-I vlerësojnë bashkëpunimin

Komuna e Gjakovës dhe KFOR_i Italian kultivojnë bashkëpunim të mdërsejllë. Kështu u konstatua në takimin që kryetari i Komunës së Gjakovës, Pal Lekaj e ka zhvilluar të merkuren, me komandantin e KFOR-it italian të Pejës, kolonelin Giuseppe Cuomo me të cilin është biseduar lidhur me zhvillimet aktuale ekonomike e politike në rajonin e Rrafshit të Dukagjinit. Koloneli Italian u njohtua me rrjedhat e zhvillimit të komunës dhe me të arriturat në ekonomi, shëndetësi, arsim e kulturë si dhe për integrimin e komuniteteve pakicë në të gjitha lëmitë e punës dhe jetës që zhvillohen në Gjakovë. Lekaj gjithashtu ka falënderuar KFOR-in italian për mbështetjen e komunës së Gjakovës në realizimin e shumë projekteve që kanë ngritur shkallen e jetesës së banorëve në komunë. Ndërkohë, koloneli italian ka falënderuar për bashkëpunim në shumë fusha të veprimtarive që zhvillohen në Gjakovë, si dhe ka premtuar se edhe në të ardhmen krahas misionit që ka KFOR-i për krijimin e një ambienti të qetë e paqësore do të ndihmojë edhe në projekte të caktuara që paraqet komuniteti dhe që janë në interes të zhvillimit të jetës më të begatshme.