Janë bërë publike rezultatet e testit të Maturës shtetërore për maturantët e 6 qendrave të mesme shkollore të Gjakovës ku nga 1. 745 maturantëve sa ju kanë nënshtruar testit të maturës në të dy fazat, 1.265 maturantë apo 72.5% e numrit të përgjithshëm të tyre kanë dalë me sukses pozitiv, që është 2 % më ulët se mesatarja e suksesit në nivel vendi. 480 maturant ose 27.5% e numrit të përgjithshëm nuk ka arrit që ta kaloj testin në afatin e parë.
Ky rezultat,në drejtorinë komunale të arsimit në Gjakovë është vlerësuar si mjaft i suksesshëm, meqë ai është për 18.4% më i mirë se rezultati i testit të maturës shtetërore të vitit të kaluar.
Sipas Komisionit Qendror Shtetëror të Maturës (KQSHM) në nivel vendi , nga 31.628 maturantë, sa kanë marrë pjesë në provim, kanë kaluar 23.531 sish ose 74.5 për qind. Gjatë tri ditëve të ardhshme do të jetë afati për ankesa, ndërsa publikimi i rezultateve të ankesave do të bëhet më 28 qershor. Të gjithë ata që nuk e kanë kaluar provimin në këtë afat, do të kenë edhe një mundësi në afatin e gushtit.