Pasoja të mëdha nga stuhija dhe shiu

Gjakovën e ka përfshirë një mot i ligë, me stuhi, reshje të madhe shiu dhe breshër duke i shndërruar rrugët e qytetit në lumenj. Tek ura e Islam Begut, tek pallati i Sporteve dhe rruga “Wesli Klark” kanë intervenuar ekipet e kompanisë Radoniqi për ti bërë të kalueshme këto rrugë të mbushura me ujë. Fatbardhësisht nuk raportohet për ndonjë dëme në njerëz. Ka pasur dëmtime të rrjetit elektrik, telefonik dhe të internetit ndërkohë që stuhia ka shkulur edhe disa drunj por edhe ndonjë pjesë të  pullazeve të shtëpive. Edhe të moshuarit nuk e mbajnë mend një gjendje të tillë që ka përmbytur edhe shumë bodrume të qytetarëve duke sjellur dëme të mëdha në pajisje shtëpiake dhe orendi. Rrjeti i kanalizimi nuk ka mundur të përbijë këtë sasi të madhe ujit.

Moti i ligë me breshër  që ka përfshirë Gjakovën nga pasdita e djeshme ka sjellë edhe dëme  të theksuara në prodhimtarinë bujqësore, posaçërisht kulturat bujqësore të mbjella në vjeshtë dhe pranverë.

Për sanimin e gjendjes së shkaktuar nga moti i ligë, nënkryetari komunës Agim Koci tha se janë ndërmarrë masat emergjente uke mobiizuar kompanit publike Radoniqi dhe Cabrati. E para per te pastruar rrjetet e kanaliimit dhe e dyta per ti hequr mbeturinat-pemet e rrezuara  nga rruget dhe balten e madhe te krijuar me vesrhimet e ujit.

Kompania Radoniqi që merret me mirëmbajtjen e rrjetit të  ujërave të zeza dhe atmosferike ka intervenuar në pikat më të ndërlikuara. Bekim Gola zëdhënës i kësaj kompanie tha se ekipet kujdestare kane punuar gjate gjithe nates dhe se rrjeti i vjeteruar i kanalizimit nuk arrine te perballoje nje sasi kaq te madhe te ujit.

Stuhija e mbrëmshme ka çrregulluar edhe rrjetin telefonik të qytetit. Agron Lleshi, menaxher rajonal i postë Telekomit të Kosovës për gjendjen dhe masat që po ndërmerr PTK_ja në sanimin e kësaj gjendje, thotë se te gjithe punetoret jane ne teren sepse ka rrezim te shtyllave telefonike dhe prishje të rrjetit teleonik.

Të themi në fund të këtij raporti, se një gjendje të tillë të rënduar nga reshjet dhe stuhia, komuna e Gjakovës nuk e mban mend një kohë të gjatë, ndërkohë që kjo gjendje është pasqyruar nga vet qytetarët duke i postuar fotografitë e vësrhimeve të mëdha në rrjetet sociale të internetit.