Drejtues komunal të mërkurën pasdite e kanë shoqeruar shefin e Zyrës Operative të BE-së në Kosovë Christoff Shtok, në vizitën që I ka bërë punimeve që po kryhen në “Çarshinë e Madhe”. Ata fillimisht janë ndaluar tek hapësira e emërtuar “Loma e Drithit” ku po bëhet rinovimi I saj, për të bërë më pas një shëti të përbashkët në pjesën tjetër të çarshisë karakteristike të Gjakovës.
Duke shprehur kënaqësinë për vijueshmërinë e punimeve, Shtok ka thënë se me këtë rast qytetarëve po u krijohet një mirëqenie dhe bazë për mundësi të zhvillimit ekonomik. Ndërkaq, kryetari Pal Lekaj ka shprehur mirënjohjet për mbështetje dhe financim të BE-së në Kosovë, ku ka potencuar edhe ato aktuale në rregullimin e infrastrukturës në ambient, arsim dhe sport. Përsa i përket investimeve në “Çarshi të Madhe”, kryetari Lekaj është shprehur se qytetarët janë mirënjohës dhe se me këtë investim po u krijohet perspektiva për zhvillim.
Ndërkaq pas investimeve të bëra nga mbështetja financiare e BE-së për zhvillim ekonomik rajonal në Kosovë në vlerë prej tetë mijë euro dhe të Komunës së Gjakovës në vlerë prej dy mijë euro, mbrëmë është inaguruar edhe restaurimi i shtëpisë së Ismet Zhavelit, që i përket shekullit të nëntëmbëdhjetë. Kjo shtëpi karaktertsika qytetare, tani e tutje do të shërbejë si bujtinë, për çfarë edhe ka qenë qëllimi i projektit “Mirësevini në Dukagjin”! “Kjo shtëpi me karaktersitika dhe veçoritë e sajë është tipike qytetare dhe kombëtare dhe ky investim është shumë i qëlluar sepse ruan një trashëgimi kulturore porse njiherit kultivon edhe zhvillim ekonomik pasi do të jetë në funksion tërheqës turistik” ka pohuar Lekaj, i cili ka falënderuar gjithë investuesit dhe realizuesit e këtij projekti, ku dhe Komuna e Gjakovës ka mbështetur me potencialet e saja. Cristoff Shtok, tha se “ kjo shtëpi karakteristike, ky vend i bukur dhe me peisazhe bën që ky qytet të të ofrojë, të të josh, ndaj jemi të lumtur që kemi mbështetur dhe kryer këtë projekt tani edhe me vlera turistike. Në komunen e Gjakoves janë 4 shtëpi të vjetra, mes të cilave edhe Kulalle Koshit që po rinovohen në kuadër të projektit të CHWB-së “Mirë sevini në Dukagjin.
