Qendra Kombëtare e Mjekësisë së Punës në Gjakovë sikurse të gjitha institucionet shëndetësore në vend është e mobilizuar për të qenë në shërbim të pacientëve edhe në këtë periudhë të ngarkuar me masat kundër korono virusit. Dr Luan Nagavci, drejtor ekzekutiv i kësaj Qendre ka thënë se si Institucion terciar ofrojmë shërbime për sëmundje të ndryshme ndërsa në luftën kund koronovirusit janë të angazhuar sipas një organizimi mobilizues që të gjithë mjekët dhe stafi teknik.
“Kemi reduktuar stafin por shërbimet vazhdojmë ti ofrojmë duke i mbrojtur edhe mantel bardhet. Luftën kundër koronovirusit do ta fitojmë bashkë me popullin duke respektuar masat mbrojtëse”, tha Nagavci.
Dr Luan Nagavci ka thënë se Qendra Kombëtare e Mjekësisë së Punës në Gjakovë ka qenë e përfolur për pacientë që janë kontrolluar në këtë qendër e që më janë identifikuar me korona virus. Nagavci, për këtë rast ka thënë se ka pasur shumë spekulime ndaj ka dhënë sqarime për të vërtetën.
“ Pacientet kanë ardhë për vizitë mjekësore për problem tjera shëndetësore dhe më vonë kanë dalë se janë të infektuar me koronovirus. Dy mjek tanë janë vetizoluar dhe pas analizave ata kanë dalë negative. Ata kanë shëndet të shkëlqyeshëm dhe pasi të kalojnë dy javë, ata sërish do ti kthehen punës.
