Stuhija sjell dëme të mëdha në Gjakovë

Përkeqësimi i motit në 24 orët e fundit ka shkaktuar dëme të shumta materiale në pothuaj gjithë vendin, duke prekur sidomos rrjetin e energjisë elektrike, mirëpo në Gjakovë ka rrëzuar edhe pullaze të shtëpive, shkollave, bilborda, shenja trafiku, xhama e tj.

Besim Meqa, zyrtar I Drejtorisë për Mbrojtje dhe Shpëtim të dielen në mëngjes I tha Radio Gjakovës se stuhija ka qenë e madhe sikurse në vitin 2002 kur kishte edhe viktima, ndërkohë që kësaj radhe, fatbardhësisht nuk ka viktima.

‘Dëmet materiale janë të mëdha, ndërsa telefoni I emrgjencës 112 nuk ka pushuar gjatë gjithë kohës duke pranuar rastet e dëmeve të shkaktuara nga era e fuqishme,’ tha Meqa duke shtuar dëmet  në shkollat fillore në Rogovë dhe Damjan.

Si pasojë e motiti të keq Gjakova ka kaluar një 24 orësh me shumë vështirësi rreth furnizimit me energji elektrike.