Gazetarët gjakovarë të martën kanë ndjekur një trajnim nga shëndetësia për të qenë në shërbim të vetëdijësimit të popullatës për luftën kundër sëmundjes së tuberkulozit.
Ndonëse jo me përmasa si në të kaluarën, turbekulozi vazhdon të mbetet shqetësim në Kosovë, pasi numri i personave të infektuar ende mbetet i madh. Sipas eksperëve, brenda një viti në Kosovë nga tubekulozi sëmuren mesatarisht nga 900 qytetarë, ndërsa një sëmurë mund t’i infektojë rreth 15 persona tjerë brenda vitit. Këto statistika e vendosin vendin tonë si vendin e dytë me përqindjen më të madhe të të sëmurve në Evropë, pas Rumanisë dhe Moldavisë, që sëbashku gjinden në poziten e parë.
Në nivel vendi, është rajoni i Prishtinës dhe ai i Ferizait, me komunat Ferizaj, Han i Elezit, Lipjan dhe Shtime, që kanë numrin më të madh të të sëmurve, ndërsa Prizreni e Gjakova me numrin më të vogël.
Prandaj, bazuar në këto të dhëna ekspertë që e luftojnë tuberkulozin, kanë kërkuar ndihmë edhe nga gazetarët, që në raportet e tyre të njoftojnë qytetarët për rrezikun që paraqet kjo sëmundje dhe mundësitë e shërimit të saj.
Mjekët ekspertë Xhevat Kurhasani dhe Ilir Begolli kanë organizuar të marten një trajnim me gazetarët që veprojnë në Gjakovë, të cilët përpos që i kanë njoftuar me gjendjen reale dhe statistikat e kësaj sëmundje, kanë kërkuar nga ta që sa më shumë të shkruajn rreth kësaj teme, meqenëse trajtimi mjeksor mbetet forma më e mirë për ta luftuar turbekulozin.
“Është me rëndësi që gazetarët të propagandojnë dhe t’i njoftojnë qytetarët që në menyrë të rregullt të vizitohen tek mjeku, sepse tashmë ekzistojnë mundësitë e parandalimit dhe shërimit të tuberkulozit. Është me rëndësi që qytetarët ta dinë se trajtimi nga kjo sëmundje, në Kosovë është pa pagesë dhe kryhet me shpenzime të shtetit, ndonëse ky trajtim është mjaft i shtrenjtë dhe llogaritet të kushtojë rreth 50 mijë euro për një pacient”, ka thënë Xhevat Kurhasani, ndërsa ka apeluar se në rastin kur pacientët mund të mashtrohen nga ndonjë mjek dhe tu kërkohen para për trajtimin e tuberkulozit, menjëherë duhet t’i njoftojnë organet përkatëse, si ministrinë e shëndetsisë apo policinë.
Ndryshe, Sipas ekspertëve, ndonëse kushtet e jeteses janë përmisuar dukshëm dhe mundësitë e trajtimit janë më të mira, në Kosovë ende ka raste kur pacientët vdesin nga turbekulozi, dukuri kjo e cila mund edhe të rritet, pasi në vazhdimsi është duke u rritur edhe varfëria në vendin tone dhe përkeqësimi i menyrës së jeteses.