Saturday, April 6, 2024
LajmeSporti

Vashat hendbolliste të Kosoves, përgatitje në Gjakovë

hendboll U18 intPallati I sporteve ‘Shani Nushi’ në Gjakovë që disa ditë me radhë është bërë qendër e ushtrimeve të  përfaqësueses së Kosovës U18 në hendëboll,  në konkurrencëne  femrave. Përgatitjet e përbashkëta 15 ditore, po mbahen në Gjakovë me qëllim që vashat  të jenë të gatshme për një debytim të sukseshsëm në garën e parë zyrtare evropiane  ‘EUROPEAN OPEN’ që mbahet ne Getebrog të Suedisë.

Në këtë  Kampionat që zhvillohet nga data 29 qershor deri më 5 korrik të këtij viti   marrin pjesë 18 shtete evropiane përfshirë edhe Kosovën. Përzgjedhësi Alfred Llazari dhe trajnerër Benon Brahushi, Mimoza Xhemaili dhe  Lulzim Nagavci, po ushtrojnë intensivisht nga  dy herë në ditë me 15 vashat e  përzgjedhura për këtë kampionat, kurse në nderkohë pritet edhe bashkangjitja edhe e dy lojtareve që aktivitetin e zhvillojnë jashta Kosovës,  Luana Bislimi në Zvicer dhe Valeriana Nepola në Norvegji, kurse lojtarja e tretë nga jashtë,  Doruntina Mehmeti veç ju ka bashkangjitë shoqeve të tjera.

Përfaqësuesja e Kosovës për Geteborg udhëton me datën 29 qershor nga aeroporti i Prishtinës, dhe është hera e parë që një Perfaqesuese e  Kosovës në ndonjë sport kolektiv paraqitet në një Kampionat evropian zyrtarisht dhe me të  gjtiha simbolet shtetërore.