Monday, April 8, 2024
Lajme

Vazhdojnë ndihmat e gjakovarëve për Shqipërinë e goditur nga tërmeti

Gjakova ka hapur zemrën për vuajtjet e të goditurve nga tërmeti në Durrës dhe zonat tjera përreth. Pos grumbullimit të ndihmave  që qysh mbrëmë janë nisur drejtë Durrësit, ata po u ofrojnë edhe shtëpitë e tyre për strehim. Duke sjellë ndihma në pika të ndryshme , bashkëqytetaret  kanë potencuar se bashkëndjejnë me tragjedinë e vëllezërve tanë në Shqipëri.

Kryetari i Komunës së Gjakovës, Ardian Gjini në bazë të kompetencave ka nxjerr  vendim për dhënien e mjeteve financiare në vlerë 14,000€ nga Komuna e Gjakovës për ndihmë për zonat e dëmtuara nga tërmeti në Republikën e Shqipërisë.

Ndihma për qytetarët e Durrësit e Tiranës vazhdojnë të mbledhin edhe në Këshillin e  Veprimit Rinor Lokal në Gjakovë. Kryetari I kësaj organizate rinore në komunën e Gjakovës, Ideal Zhaveli ka thënë se  duke ndjekur me vëmendje gjendjen në Shqipëri saktësisht Durrës dhe Tiranë, janë mobilizuar në mbledhjen e ndihmave humanitare, rroba, batanije, ushqim, e cila bëhet në zyrat e kësaj organizate rinore te Çarshia e Vjetër.

Thirrje për ndihmë për viktimat e tërmetit në Shqipëri ka bërë edhe Lëvizja Vetëvendosje në Gjakovë. Sekretari organizativ I këtij subjekti politikë në Gjakovë, Ngadhnjim Dana ka thënë se  tërmetet ne Shqipëri kane tronditur vendin. Ka shume qytetare pa strehe mbi koke, andaj janë bërë përpjekje dhe janë siguruar edhe vende për strehim të qytetarëve të cilët mundë të vijnë në Gjakovë :

Kryqi i Kuq dega në Gjakovë dhe dy tifo grupet, “Kuqezinjët e Jakovës dhe “1927” i janë bashkuar aksionit për mbledhjen e ndihmave për familjet e prekura nga tërmeti në Durrës. Në Kryqin e Kuq thanë se dje kanë dorëzuar një kontingjent të ndihmave të  mbledhura nga qytetarët, ndërkaq do të vazhdohet edhe gjatë ditës së sotme.  Sekretarja e Kryqit të Kuq, Fllanza Bakija Lama i  tha Radio Gjakovës,  se janë koordinuar me Këshillin për Veprim Rinor Lokal si dhe dy grupet e tifozëve në këtë iniciativë humanitare.

Në masë të madhe qytetarëve u janë përgjigjur edhe thirrjes së tifozëve gjakovarë, të cilët që nga dita e djeshme kanë nisur aksionin për mbledhjen e të mirave materiale për të ndihmuar familjet e dëmtuara në Shqipëri. Ata kanë hapur një pikë grumbulluese në parkun “Mustafa Bakija” në Çarshinë e Vogël.   Përfaqësuesit e tifozëve, Lorik Lata dhe Melos Vula tha se  qytetarët janë treguar shumë solidarë, por presim që ky solidaritet të vazhdoj edhe në orët e ardhshme.

Në rrjetet sociale edhe gjatë ditës së sotme janë qindra oferta nga qytetar, shoqata e organizata të ndryshme  për gatishmërinë që ti dalin në ndihmë popullatës së goditur.

Në rrjetet sociale është dhënë informacioni se në  qendër të qytetit sot prej ores 18.00 do të ndizen qirinj në shenjë solidarizimi me vëllëzërit dhe motrat nga Shqipëria që pësuan nga tërmeti.

Leave a Reply

Your email address will not be published. Required fields are marked *